Presentación
Historial
Contactos

Director
Equipo artístico
Equipo técnico
A Asociación  Antigos membros

     "A HERDANZA DA TíA CONSTANZA"       

(Juan Carlos Hernández). Tradución Xoán Carlos Laxe

SOBRE A PEZA...... NOTA SOBRE A AUTORÍA Tanto o autor como o traductor son xestores da súa propiedade intelectual, non pertencendo a sociedade algunha de xestión de dereitos, e cederon esta obra a Nova Escena para a súa representación.       JUAN CARLOS HERNÁNDEZ (Autor)     Nado en Madrid en 1978, leva ligado ao mundo do teatro dende os 16 años. Estuda interpretación con Jose Luis Aguilella, Paco Carrillo e David González, cantou con Toño Casado e María Adamuz e complementa a súa formación con tres años na Escola de Artes Visuais de Madrid abarcando áreas tan diversas como guión cinematográfico e teatral, animación, publicidade, expresión corporal, etc. ademais de varios cursos de guión, voz, interpretación e técnica de clown. Como actor, empeza a súa andaina teatral na Asociación Cultural ATAIR onde é protagonista nos musicais “Juan Soñador” (Juan), “Jesucristo Superstar” (Jesucristo) e “Os Miserables” (Jean Valjean). É seleccionado pola compañía 4Cuartos para formar parte do reparto de “La Pequeña Tienda de los Horrores”. Posteriormente ingresa no grupo de teatro Amorevo onde participa no musical “El Jorobado de Notre Dame” interpretando o papel de Antoine. De volta á Asociación Cultural Atair, esta vez como intérprete e director, participa nos musicais “El Sueño Imposible”, “Showtime” e “Ensayo General: Sálvese quien pueda”. Tamén interveu en diversas curtametraxes e prestou a súa voz en campañas de publicidade e videoxogos. Como escritor inicia a súa andaina traducindo e adaptando ao castelán o libreto e cancións dos musicais “La Pequeña Tienda de Los Horrores” e “Ragtime”. Posteriormente escribe e dirixe o musical “El Sueño Imposible” que é seleccionado para participar no Certame Nacional de Teatro Amateur de Haro. Do mesmo xeito escribiu guións para curtametraxes cinematográficos como “mIRC” e “El Coro”. As súas dúas últimas creacións teatrais son “Ensayo General: Sálvese quien pueda”, unha divertida comedia musical de enredo e “A Herdanza da Tía Constanza”, ambas con data de estrea para a primavera de 2011.   XOÁN CARLOS LAXE (tradutor) Escritor de guións lugués, habitual guionista e adaptador de Nova Escena Teatro.

 SINOPSE  

A Señora Constanza, unha rica propietaria acaba xusto de morrer. Os seus herdeiros reúnense, a instancias do notario, no pazo que sempre habitara.
Sorprendidos escoitan que a lectura do testamento terá lugar na presenza dunha notábel espitirista, xa que a finada estaba moi relacionada en círculos esotéricos.
Invocada pola médium, manifesta unha estraña última vontade: será herdeiro único aquel que sexa quen de pasar a noite seguinte no pazo...