ciclo
de teatro de outono “Atracción TEatral III” novembro
2009
Nova Escena
organiza do Ciclo de Teatro Amador “Atracción
Teatral III” enmarcado na programación “culturavai”
promovida pola Dirección
Xeral de Promoción e Difusión da Cultura da Consellería de
Cultura e Turismo e
coordinada pola FEGATEA (Federación Galega de Teatro
Afeccionado).
As
dúas primeiras edicións de “ Atracción teatral” tiveron
lugar entre outubro e novembro do 2007, e contaron coa participación
de nove grupos de
teatro amador galego.
Grupos
invitados
Sábado
31 de outubro: “Pensión
13”
Compañía:
Nova Escena Teatro. Nova
Escena teatro naceu en Lugo hai agora 12 anos, como obradoiro de
teatro. Dende aquela, outras doce pezas avalan o esforzo doutro
dos cada vez mais numerosos grupos de amantes do teatro.
Sinopse:
Unha pensión barata é o crisol onde se fusionan as
personalidades dunha decena de persoas xunguidas pola súa
soidade. Entre eles: un enorme baleiro que ás veces é enganado
pola ilusión de compartir un prato de comida e un teito.
As biografías dos protagonistas tecen unha reflexión sobre as
motivacións daquelas persoas invisíbeis ás que adoitamos chamar
marxinados.
Sábado
7 de novembro: “Cometa, cometa”
Compañía:
“O aturuxo de Melpómene”
A asociación teatral "O Aturuxo de Melpómene" constitúese
no ano 2007, en Narón, por iniciativa dun grupo de 15 alumnas/os
da Escola de Teatro de Narón que sentiron a necesidade de crear
unha entidade propia coa principal finalidade de promover os
proxectos e traballo en conxunto no ámbito teatral.
Sinopse:
Comedia sobre as reaccións de 11 personaxes ante o inminente
impacto dun cometa sobre o lugar onde viven. O tempo remata e as
decisións que deben tomar son urxentes!
Sábado
14 de novembro: “Acto Imprevisto”
Compañía:
Teatro de Cámara Ditea.
Unha compañía que ten xa escrito o seu nome na historia do teatro
galego. Fundada en 1960, foi pioneira na posta en escea de pezas
como "Seis
personaxes en busca de autor", de Luigi Pirandello, (1967)
Foi o primeiro grupo en representar unha obra de Shakespeare en
Galicia, uns anos antes de que o fixese o Centro Dramático.
Outras iniciativas pioneiras do colectivo foron posta en escena da
"Comedia da oliña", de Plauto, na versión galega de
Aquilino Iglesias Alvariño, e a estrea absoluta de "Almas
mortas" de Vilar Ponte no Día das Letras do 1977... 47 anos
do teatro en Galicia. Na
memoria do creador de Ditea, Agustín Magán, celébrase
anualmente en Santiago a mostra de teatro amador Galego.
Sinopse:
A poucos días de calquera estrea en calquera teatro, reina a
desorde: teares caídos, cables por tódolos lados, etc., etc. E
é aquí onde dúas limpadoras irrompen no escenario; dúas
mulleres que, inmersas no trasfego cotián e alleas a todo este
enredo faranduleiro, van inconscientemente deixándose levar por
unha sensación de liberación que lles produce "o espazo de
ficción" e, pouco a pouco, amosan as súas paixóns
afogadas, tecéndose así unha trama na que, a traveso das súas
tráxicas vivencias -produto do condenado destino- recoñecemos un
mundo moi próximo e, curiosamente cómico.
Sábado
21 de novembro: “A voda”
Compañía:
Atrezzo Teatro. O
grupo Atrezzo constitúe
un importante dinamizador da vida teatral da bisbarra de Vigo. é
unha das agrupacións con máis sona do sur de Galicia, e fonte de
diversas escolas de teatro por toda a zona.
Sinopse:
A montaxe que imos ver parte dunha serie de situacións
“aparentemente” absurdas, levadas a cabo por personaxes
estereotipados que se amosan máis preocupados por airea-los
trapos sucios dos demais e oculta-los propios que por aquilo
verdadeiramente importante.
Quizais
o que deberamos de nos preguntar é por qué chamamos tolo a un
home que decide deixar de pertencer a unha especie que o avergoña?
Sábado
28 de novembro: “6 x 4... dúas ducias”
Compañía:
“Centro dramático vilalbés”. Nace
como compañía afeccionada de teatro dentro do seo da asociación
Centro Dramático Vilalbés en abril de 1994, aínda que os
membros que a constituían nese momento proviñan do grupo de
teatro creado dentro da Asociación Cultural Monseivane de Moreda
(Lanzós) dende 1986.
O
Cedeúve Teatro representou ao longo de todo este tempo numerosas
obras teatrais que van dende o teatro galego, como Laudamuco, señor de ningures, de R. Vidal Bolaño ou Fígaro
ou a inútil precaución, de F. Pillado, a traducións de
autores tales como Óscar Wilde (A importancia de chamarse Ernesto), García Lorca (A
zapateira prodixiosa) ou Luigi Lunari (Tres
na corda frouxa) e adaptacións como Pepa
a Loba, de V. Piñeiro. Non obstante predominan no seu
facer artístico as pezas de creación ad
hoc, da autoría de
Paulo Naseiro
– Por favor, agarde a súa
quenda- e de María Xosé Lamas: A
vinganza de Mariana, Na beira do río, Costureira sen dedal,
Ascensor, 6 x 4 ... dúas ducias, De cinema, etc.
Sinopse:
Esta peza de teatro da autoría de María Xosé Lamas, pretende,
en clave de humor, contar a situación de cinco mulleres adultas
– catro delas inmigrantes- que coinciden traballando no
restaurante dunha cidade galega e unha rapaza, sobriña dunha
delas. Seis persoas que, ao longo de catro actos, van relatando as
súas situacións persoais, aproveitando para reflexionar sobre os
problemas máis salientábeis da sociedade actual.
Funcións
de entrada libre, no
Centro Social
Municipal de Fingoi
ás 19:00h.
CICLO
DE TEATRO DE OUTONO "ATRACCIÓN TEATRAL II" NOVEMBRO
2008
Centro
Social Municipal de Fingoi.
8, 15, 22 e 29 de novembro ás 20:00 H
Nova
Escena teatro organiza do Ciclo de Teatro Amador “Atracción
Teatral II” enmarcado nos Ciclos “Outono teatral” promovidos
e coordinados pola Dirección Xeral de Creación e difusión
Cultural da consellería
de cultura e
Deportes da Xunta de Galicia, e a FEGATEA (Federación Galega de
Teatro Afeccionado).
A
primeira edición do ciclo “ Atracción teatral” tivo lugar
entre outubro e novembro do 2007, e contou coa participación de
outros catro grupos de teatro amador galego.
Grupos
invitados:
Sábado
8 de Novembro: “Conversas na Cuneta Mentres a Vida
pasa alá Fóra”. "O Trasno"
Compañía:
“O
Trasno Novo Teatro” (Vigo),
grupo de teatro afeccionado de Comesaña, Vigo, fundado por Xaime
Costas Fernández en 1980. É grupo cofundador da Federación
Galega de Teatro Afeccionado (Fegatea).
En
2007 organiza a I Mostra de Teatro Afeccionado, integrada no circuíto
teatral de Galicia, no centro cultural da parroquia, o Nautilius.
Sinopse:
Trata do encontro, previo e posterior a súa execución, de tres
mulleres do mesmo pobo pero de moi distinta condición, unidas
pola súa fuxida e diferenciadas por distintas actitudes ante a
vida e o momento histórico que lles toca vivir.
Pretendemos
por unha banda facer unha homenaxe ás mulleres asasinadas na
posguerra, case sempre anónimas e esquecidas, e por outra
reflexionar, a través da súa mirada, sobre temas que seguen a
ser de actualidade: a subxectividade da información, a hipocrisía
da sociedade, as relacións de parella, o terrorismo, os abusos de
poder e outros.
Sábado
15 de Novembro: “A Miña Muller é… o Fontaneiro”.
"Max Teatro"
Compañía:
A asociación “Max Teatro" (Ferrol), nace en Maio do 2001
para representar aos grupos de teatro: "Ad Libitum",
"A machina", taller de teatro Divir-TT", todos eles
grupos de teatro amador de Ferrol.
Max
teatro, presentou a, gala II premios “Abrindo horizontes
2004”
. Max Teatro, coordina e colabora cos “Domingos a escena”, que
o Concello de Ferrol ven celebrando dende o 2000, durante seis
meses ao año.
Tamén
organiza o mes de teatro do Casino Mugardes, dende o año 2001.
Sinopse:
Un viúvo, descubre unha perda de auga no seu apartamento, para e
chama a un fontaneiro, pero este toca uns cables pelados, e la
descarga eléctrica mátao. Sen embargo minutos despois reacciona,
pero se lle "incorporara" o espírito da súa
ex-muller, quen a pesares do"envase" logra demostrar que
é a súa muller, e quere quedarse a retomar a súa vida de
casada. A historia complícase aínda máis, cando chegan a actual
noiva do viúvo, a nai deste e maila veciña, convertendo a vida
do viúvo nunha verdadeira catarata de complicadas situacións.
Sábado
22 de Novembro: “Lili Cuartel” (Culleredo). "Carfax
Teatro".
Compañía:
Carfax teatro. A Asociación teatral Carfax nace no 2005,
primeiramente como Escola de teatro municipal de Culleredo, para
ir conformándose posteriormente como unha asociación de teatro
afeccionado.
Dado
o conxunto humano que se conseguiu, en menos de tres años a
Asociación estableceu un traballo de produción de obras e de
promoción de traballos e iniciativas dentro do grupo, buscando
por un lado un lugar para representar eses traballos como o
equipamento técnico necesario para realizar dichas obras, nunha
traxectoria que consideramos máis que positiva.
Por
outro lado tamén a Asociación estableceu en varios centros de
educación clases de teatro infantil, programado cursos de
maquillaxe teatral, de iluminación, etc.
Sinopse:
Unha ESTRAÑA COMPAÑÍA DE VARIEDADES visita un estraño CUARTEL,
nun estraño PAÍS.
Hoxe, no comedor do BATALLÓN AL KARAGULLI, especialmente
engalanado para a ocasión, o colectivo teatral CULLEREDO VARIETÉS
actuará para a tropa co seu espectáculo de arte LILI CUARTEL,
nun magnífico xesto de SOLIDARIDADE SEN FRONTEIRAS......
Sábado
29 de Novembro: “O libro de ler e desler” . Achádego
Teatro. (Lugo)
Compañía:
Achádego
Teatro. (Lugo) Grupo decano da cidade de
Lugo, nado no 1988; nos seus vinte anos de andaina unha manchea de
producións teatrais, e mesmo de Tv e cine. Achádego
Teatro é un dos grupos históricos do teatro amador galego e
durante longo tempo o único referente teatral da cidade onde se
orixinou.
Sinopse: Con esta montaxe desexamos realizar unha recollida e
divulgación da Literatura de Tradición Oral e dos Mitos do noso
país, aproveitando o importante caudal de contos máxicos que
posuímos.
A
tradición oral como un xogo de permanencias no tempo. Como unha
ponte viva dende o máis alá ata os nosos días. Historias
transmitidas de xeración a xeración e de boca a oído...
Non
se sabe de seguro cando xurdiron estas historias cuxos
protagonistas están dotados de voz humana. Moitas quizais son
prodixio da imaxinación popular, mais non sempre están fóra da
lóxica. Habelas hainas...
Tódalas funcións tiveron lugar no Centro Social Municipal de Fingoi
con entrada libre
|
COLABORACIÓN NA V MOSTRA DE
TEATRO DE LUGO 2007
"Cinco Mulleres co Mesmo
Vestido" (Allan Ball)
|
